2018 ජුනි මස 11 සිට 2018 ජුනි මස 17 දක්වා සතියේ ලග්න පලාපල weekly astrology forecast

මේෂ ලග්නය

මංගල යෝජනා හෝ ඒ සඳහා කටයුතු පිළියෙල වීමක් කඩිනම් වීමක් සිදුවිය හැකියි.ප්‍රේම සම්බන්ධතාවයන් තව තවත් දියුණු තත්ත්වයක් උදා කරයි. සහෝදරයින් අතරේ තමන් ප්‍රධානත්වය දැරීමට සිදුවන අතර ඒ අයට වඩා ඉහළින් වැඩ කටයුතු කිරීමට හැකියාව ලැඛෙයි.ඒ වගේම ජලයෙන් විපත් ඇතිවිය හැකි බැවින් කල්පනාවෙන් සිටිය යුතුයි. හදිසි අනතුරු හා තුවාලවීම්වලට ගොදුරුවිය හැකියි. ණයතුරුස් ආදියෙන් මිදීමට හැකිවෙයි. අළුත් නව වැඩපිළිවෙලක් ආරම්භ කිරීම සඳහා සැලැස්මක් යොදා ගනියි. ගමන් යාමේ දී ප්‍රවේශම් හොඳයි.සෙම් රෝග, උගුරේ අමාරු ඇති කරයි.

ජයඅංක :- 1, 2, ජය වර්ණ :- රතුනිල් ශුභ දිනය :අගහරුවාදා,සිතුරාදා

වෘෂභ ලග්නය

සිත පාලනය කර ගැනීම යහපතට හේතු ඇති කරයි. බහින් බස් වීමකලකෝලාහලවලට මැදි වී අනතුරුවලට මුහුණදීමට සිදුවෙයි. නොකල වැරදිවලට ද`ඩුවම් විදීමට සිදුවෙයි. ඉවසීමෙන් කාලය ගත කිරීම ඉතා හොඳයි. විශේෂsයෙන් අළුත විවාහ වී සිටින අය ඉක්මනින්ම තීන්දු තීරණවලට යොමු වී විවාහ කඩා කප්පල් වී යාමට ඉඩ ඇති කරයි.විවාහ වීමට සිටින අය ඒවා කල් දැමීමට සිදුවිය හැකියි. යහපත් බිරිඳක් ලැබීමට වාසනාව ඇති කරයි. අඹු-සැමි භේද නිතර ඇති කරයි. සිතට සතුට හා ප්‍රීතිය අඩු කරයි. මුදල් අමාරුකම් ඇති වෙයි. අර්ශස් රෝග හා මුත්‍රා දෝෂ ඇති කරයි.

ජයඅංක :- 1, 2, ජය වර්ණ :- රතු,කහ ශුභ දිනය :-සිකුරාදා, 

මිථුන ලග්නය

බුද්ධියෙන් තොරව කටයුතු කිරීම නිසා ගැටුම්කාරී බවක් ඇති කරයි. ඉවසීම නැති වී කෝපගති මතු වී ඉක්මන් තීරණ ගැනීමට පෙළඹෙයි.විශේෂයෙන් විවාහ දිවිය අවුල් සහගත තත්ත්වයන් ඇති කරයි. පවුලේ සාමකාමී බව නැති වී යයි. ඉක්මන්කම හා අනුවණකම නිසා පාඩු සිදු වෙයි.සතුරු කරදර ඇති කරයි. ඒවා සමනය කිරීමට අන් අයගේ පිහිට ලබා ගැනීමට සිදු වෙයි. වැඩිහිටි ගෞරවය නැති වෙයි. එහෙත් ස්ථානයේ කරදර ක්‍රමයෙන් පහව යාම නිසා ස්ථාන දෝෂ ඉවත් වෙයි. ඒ නිසා සතිය මැදභාගයේ දි තැන්පත් ධනය අඩු වී යයි. ලේවල දෝෂ කනේ කැක්කුම් ඇති කරයි.

ජය අංක :- 1, 4, ජය වර්ණ :- කොළ, රතු ශුභ දිනය :- බදාදා

කටක ලග්නය

තරඟවලින් ජය අත්කර ගැනීමට හැකියි.රැකියාවේ හෝ වෙළඳාම් කටයුතුවල කැපී පෙනෙන දියුණුවක් ඇති කරයි. හිටි හැටියේ නීතියට බැසීමට හෝ හදිසි කරදරයක් ඇති වී නීතියේ පිහිට ලබා ගැනීමක් සිදුවිය හැකියි. අඹු-සැමියන් අතර පැවැති සුහදතාව බිදී යයි.හදිසි අනතුරුවලට හෝ හිරේ විලංගුවේ වැටීමට පවා සිදුවිය හැකි බැවින් මේ කාලය ඉතා සැලකිල්ලකින් ජීවිතය ගෙන යා යුතුයි. දුර ගමන් යාමට සැලසුම් කලත් ඒවා එතරම්ම ශ=භදායක නොවෙයි. නව රැකියා අවස්ථා උදා කරයි. ආදායම් තත්ත්වය යහපත් අතට හැරෙයි. හමේ රෝග, හදිසි තුවාල ඇති කරයි.

ජය අංක :- 2, 3 ජය වර්ණ :- සුදු, රතු ශුභ දිනය :- සඳුදා

සිංහ ලග්නය

මෙතෙක් පැවැති අවහිරතා හා මානසික අර්බුදකාරී බව නැති වී යයි. බලාපොරොත්තු ඉටු කර ගැනීමට හැකි වෙයි. උත්සාහවන්ත වෙයි. රජයේ රැකියාවල්වල යෙදී සිටින අයට වාසි සැලසෙයි. පුද්ගලික අංශයේ රැකියා කරන අයට යහපත්ව වැඩ කටයුතු කර ගැනිමට හැකි වෙයි.දූ දරුවන්ගේ අනාගතය පිළිබඳව අස්ථාන බියක් හා අවිනිශ්චිත බව ඇති කරයි. කෙසේ වෙතත් ස්ථානයේ පැවැති දෝෂ ඉවත් කෙරෙයි. ධනය ලැබීම්වල යෝග්‍ය අවස්ථා උදා කරයි. විශේෂයෙන් මහ පොළොව ආශ්‍රිතව කරන කටයුතුවලින් ලාභ ප්‍රයෝජන අත් කර දෙයි. පපුවේ සෙම් රෝග හා හිසේ රෝග,තුවාලවීම් ඇති කරයි.

ජය අංක :- 2, 4, ජය වර්ණ :- රතු, සුදු ශුභ දිනය :- ඉරිදා

කන්‍යා ලග්නය

කලක් රැකියා කරපු  ස්ථානයේ නැවත කැඳවීමක් හෝ අළුත් රැකියාවක් ලබා ගැනීමට හැකි වෙයි. විශේෂයෙන් බලවත් ස්ථානවල හෝ රජයට සම්බන්ධ ස්ථානවල රැකියා ලාභ ඇති කරයි. වැඩ කටයුතු ඉතා කාර්යක්ෂම හා ක්‍රමානුකූලව කිරීම නිසා උසස් අයගේ පැසසුමට හා ගෞරවයට පාත්‍ර වෙයි. උසස් අධ්‍යාපනය ලබන සිසු දරුවන්ට ද ඉතා යහපත් බව පෙනෙයි. නිතර හිතට දුක්පීඩා හා අසහනකාරී බවක් ඇති කරයි.මව්පියන් හෝ සුවදුක් සොයා බලා කටයුතු කිරීමක් සිදු වෙයි. ප්‍රියසාදවලට ඇරයුම් ලැබේ. ලේවල සීනි ප්‍රමාණය වැඩිවිය හැකියි. හිසේ අමාරු වාත වේදනා ඇති කරයි.

ජය අංක :-6, 9 ජය වර්ණ :- කොළ, නිල් ශුභ දිනය :-  බදාදා

තුලා ලග්නය

වචනයෙන් වැඩ ගැනීමට හැකියාව ලැඛෙයි. වචනයට කීකරු වෙයි. ධන ලාභ හා ආර්ථීකව යම් ශක්තිමත් බවක් ඇති කරයි. කාමභෝගී ජීවිතයක් ගත කිරීමට සිත් ඇති වෙයි. එහෙත් ඒවා ක්‍රියාත්මක කිරීමට නොයා සිටීම යහපතට හේතු වෙයි. අවිවාහකයින්ට යහපත් මංගල යෝජනාවක් ඇති කරයි. ප්‍රේමවන්තයින්ගේ අදහස් මුදුන්පත් කරයි. හවුලේ කටයුතු කිරීමට හැකියාව ලැබුණත් එය නොකර සිටීම යහපතට හේතු වෙයි. මන්ද පසුකලකදී කඩා කප්පල් වෙන නිසාවෙනි. ලේවල සීනි ඇති අය ප්‍රවේශම් විය යුතුයි. පියාට හදිසි අසනීප ඇති රකයි. උගුරේ සෙම් රෝග ඇති කරයි..

ජය අංක :-  4, 7, 8 ජය වර්ණ :- කහ, රතු ශුභ දිනය :-  සිකුරාදා

වෘශ්චික ලග්නය

දැනට ඇති අපල තත්ත්වය තාවකාලිකව අඩු වී යයි. හිතේ පැවැති දුක් දොම්නස් ඉවත් වී යයි. ස්ථාන කරදර හා රැකියාවේ මඟ කඩා කප්පල්වීම හා අඳුරේ සිටීමට සිදු වෙයි. විවාහ දිවිය තරමක් අවුල් සහගත වෙයි. හවුලේ කරන කටයුතුවලට බාධා මතු වෙයි.රක්ෂාවල් වලින් ඉවත් වීමට හෝ විශ්‍රාම යාමට සිතයි. වැඩ කටයුතු කඩා කප්පල් වෙයි.බිරිඳ, ස්වාමියා අතර මතභේද ඇති කරයි. කෝපගති ඇති කරයි. හදිසි අනතුරු හෝ අතපය තුවාලවීම් ඇති කරයි. සිතට සහනයක් ඇති කලත් බාහිර කරදර නිසා හිත අවුල් වෙයි. ස්ථාන කරදර යලි මතු වෙයි. ගුද මාර්ගවල අවහිරතා මතු කරයි

ජය අංක :-  2, 7, 9 ජය වර්ණ :- රතු

ධනු ලග්නය

වැඩ කටයුතුවල කැපී පෙනෙන දියුණුවක් ඇති කරයි. එහෙත් මනස නොසන්සුන්  කරයි. පීඩා කරයි. සතුට ලැබුණත් එය භුක්ති විඳීමට අවකාශ නැත. හදිසියේම පොලීසිය හෝ නීතිමාර්ගවලට අවතීර්ණය වීමට ඉඩ ඇති කරයි. විවාහ දිවිය තරමක් ආරවුල් ඇති කරයි.සිත හැඟීම් පාලනය කර ගත යුතුයි.වියදම් පියවා ගැනීමට අපහසු වෙයි. අධික වියදම් ඇති කරයි. අනවශ්‍ය දේවල්වලට වියදම් ද වැඩි වෙයි. තරඟ විභාගවලට පෙනී සිටින අයට ඒ සඳහා උසස් තත්ත්වයක් ජයක් ඇති කරයි. අන් අයගේ දෝෂ දර්ශනයට ලක්විය හැකියි. උෂ්ණ ගති ඇති කරයි. මුත්‍රා දෝෂ හා ලිංගික රෝග ඇති කරයි. ස්නායු රෝග ද පෙන්වයි.

.ජය අංක :- 1,7 ජය වර්ණ :- කහ, රතු ශුභ දිනය :- බ්‍රහස්පතින්දා

මකර ලග්නය

සිතේ සතුට වගේම මානසික සුවයක් දැනෙයි. ඒ වගේම කරන කටයුතුවල සාර්ථක භාවයක් පෙන්නුම් කරයි. ස්ථානගතව තිබූ ප්‍රශ්න හා බාධා ඉවත් කෙරෙයි. ගෙයක්, ඉඩමක් ගැනීමට ඇති ඉඩකඩ ද වැඩි කරයි. කෙසේ එය ලබා ගැනීමට කටයුතු කරයි. 

උදාසීන ගති නැති වී ක්‍රියාශීලී බවක් හා උද්යෝගිමත් ලෙස වැඩ කිරීම නිසා ආර්ථීක තත්ත්වය පෙරට ගෙන ඒමට හැකි වෙයි. ආත්මාර්ථකාමී කම් වැඩි වෙයි. තමාගේම කටයුතුවල මිසක් අන් අයගේ කටයුතුවලට ඇගිලි ගැසීමක් වැඩ කිරිමක් නැත. ආදායම්වල යම් ඉහළ යාමක් ඇති කරයි. දූ දරුවන්ගේ අධ්‍යාපන කටයුතු සාර්ථක කරයි. මුඛ රෝග, දත්වල දිරා යාම,ඇති කරයි.

ජය අංක :- 4, 5 ජය වර්ණ :- කොළ, නිල් ශුභ දිනය :- සෙනසුරාදා

කුම්භ ලග්නය

කරන කටයුතුවල කාර්යක‍ෂමභාවයක් ඇති කරයි. කාර්යබහුල වෙයි. මහන්සිය පමණක් වෙයි. වැඩට දක‍ෂතා ඇති කරයි.ආදායම් තත්ත්වය කිවයුතු තරම්ම ප්‍රගතියක් ඇති නොවෙයි. විවාහ මංගල කටයුකු කඩිනමින් කරගෙන යාමට සිතයි. පොළොවෙන් ලබන ආදායම් කෘෂි ව්‍යාපාරයන්වලින් ලබන ආදායම් වැඩි වෙයි.ඉගෙනීම් කටයුතුවල යෙදී සිටින දූ දරුවන්ට යහපත් සතියක් බව පෙනෙයි. දරුවෙකුගේ හිතුවක්කාර හෝ අකීකරුකමක් නිසා කරදරවලට පත් වෙයි. කලකිරීමට පත් වෙයි. දරුවන් ලැබීමට සිටින මව්වරුන් මේ කාලය ප්‍රවේශම්ව සිටිය යුතුයි. හදවත් රෝග, පෙනහලූවල රෝග යන දෙකින් එකක් රෝග මතු කරයි.

ජය අංක :- 3, 4, 5 ජය වර්ණ :- කොළ, නිල් ශුභ දිනය :-සෙනසුරාදා

මීන ලග්නය

ධනය ලැබ්ම්වලට යෝග්‍ය සතියක් බව පෙනෙයි. අවිවාහක අයට සාර්ථක මංගල යෝජනා ඉදිරිපත් වෙයි. හෘද රෝග ඇතිවීමේ ඉඩකඩ වැඩිවන අතර සැත්කම් ආදියට පවා යාමට සිදුවිය හැකියි. සිතට පාප සිතුවිලි හා වේග දහරා ඇති කරයි. කෝපය, වෛරය වැනි අකුශල ධර්ම ඉස්මතු වෙයි. සිත පාලනය කර ගත යුතුයි. සතුරු කරදර මර්දනය වෙයි. ස්ථාන කරදර මතු වෙයි.වාහනවලින් කරදර හා විපත් පෙන්වයි. වන්දනා ගමන් ආගමික භක්තිය හා ශීල ව්‍යාපාර ආදියට සිත ඇදී යයි. ජලයෙන් විපත් ඇති කරයි. මුහුදේ නෑම, ගංගා ඇල දොලවල නෑම අගුණයි. ප්‍රවේශම් විය යුතුයි.හෘද රෝග,ජලවිපත් ඇති කරයි.

ජය අංක :- 2,7 ජය වර්ණ :- තැඹිලි, කහ ශුභ දිනය :බ්‍රහස්පතින්ද